I.372-400
"Ō dea, sī prīmā
repetēns ab orīgine pergam
et vacet
annālīs nostrōrum
audīre labōrum,
ante diem clausō
compōnet Vesper Olympō.
nōs Troiā
antīquā, sī vestrās forte per aurīs
Troiae nōmen
iit, dīversa per aequora vectōs
forte suā Libycīs tempestās appulit ōrīs.
Sum pius
Aenēās, raptōs
quī ex hoste penātīs
classe vehō
mēcum, fāmā
super aethera nōtus;
Ītaliam quaerō
patriam, et genus ab Iove summō.
bis dēnīs
Phrygium cōnscendī
nāvibus aequor,
mātre deā
mōnstrante viam data fāta secūtus;
vix septem
convulsae undīs Eurōque supersunt.
ipse ignōtus,
egēns, Libyae dēserta peragrō,
Eurōpā atque
passa Venus mediō sīc interfāta dolōre est:
"Quisquis
es, haud, crēdō, invīsus caelestibus aurās
vītālīs carpis,
Tyriam quī advēneris urbem;
perge modo
atque hinc tē rēgīnae ad līmina perfer.
namque tibī
reducēs sociōs classemque relātam
nuntiō et in tūtum versīs Aquilōnibus āctam,
nī frūstrā
augurium vānī docuēre parentēs.
aspice bis
sēnōs laetantīs
agmine cycnōs,
aetheriā quōs
lāpsa plagā Iovis āles apertō
turbābat caelō;
nunc terrās ordine longō
aut capere
aut captās iam dēspectāre videntur:
ut reducēs
illī lūdunt strīdentibus ālīs
et coetū
cīnxēre polum cantūsque dedēre,
haud aliter
puppēsque tuae pūbēsque tuōrum
aut portum
tenet aut plēnō subit ōstia vēlō.
perge modo et, quā tē dūcit via, dērige gressum."